Fagess ä mool Eier Redd näd!

Alla Hopp, habb isch gsaad, wii se misch gfroot honn, isch machs! Ich schreibb eisch wass inn Mundart fa die Bärmesenser Schtorries. Jetzad hock isch vorm PC – wääs jiemand vunn Eich do drauss in de weide Wälder, obbs dodefoor a ä Bärmesenser Ausdruck gäbt?

Biss dohie iwwerlee isch maa als Erschdes, wass fa ä Nohme ma dänne Geschischde gäbbe kännd. Soll isch misch als ä tipieschie Bärmesnser Figuhr bezeischne unn driwwer schreiwwe? Do kommt ma de de guude alde Schuschter Joß in de Sinn. Awwer dänne hadd jo de Hartmuude Kaschber vumm Fassnachdsveroi Ce Vau Pee schunn fakerrpert. A de Pirmin Raddeegaggel, alias Rollaand Waachner unn schpäädder de Peter Thyssen hadds schunn gäbb. Unn Raddegaggel dringt de Pirmin schunn long nimmie. Unnser Woine aus de Palz sinn längschd soo guud, dass dess edle Gsöff dänne Bgriff nimmie fadiehnt. De Luddwich, so hadd mool ä Hefdl im Wahlkoampf ghääs, wo domols de OB fa die Schdadd hrausgäbb hadd. Awwer de Luddwich honnse im Rothaus längschd inngschdelld unn wonn isch moi Gchischde noom Londgraaf nenne dät, dess wäär donn ah nix.

Dess faald alles mo flach. Do nämme ma vielleichd irschend ä onnrer Bärmenser Begriff. Do dääd maa so monches infalle. „Bruljee Gflischder“, beischpielsweise. Dess dräffds awwer aa näd unn die sinn jo a so longsom ausgschtorb. „Wo oam Exezierplazz schtehn die Keeschdebää“, wär aa wass fa die Iwwerschriffd gewässt, awwer nä, dess gfalld ma ledschd ä näd so guud unn iss ä bissl abgedrosch!

Wie isch jetzad graad mit äm Bekonnde dodriwwer spräche wolld, hadda zu ma gsaat: „Fagess ä mol Eier Redd näd“, unn hadd ma noch schnell ä annre Gschichd fazeehlt.

Was soll isch Eisch saaä. Der Bgriff gfallt ma rischdisch guud unn iss bommbisch fa die Kolumne.  Isch dänk dänne Begriff nämm isch! Alla Hopp. Ihr Läser vunn die Bärmesenser Schtorys, wie finne na dess donn? Unn immer droa dänge: „Fagess ä mool Eier Redd näd! Gell!

Andreas Petry

Ehrenamtliches Engagement lohnt sich und zahlt sich aus. Dies gilt auch für die intensive Beschäftigung mit der kleinen (Lokal) und großen (Bundes)-Politik. Damit kann ein gesellschaftliches Gesamtverständnis erreicht werden.

„Liest Eure Tageszeitung, informiert Euch online über das lokale und regionale Geschehen. Nur so könnt Ihr viele Probleme, mit denen ihr konfrontiert werdet, auch verstehen und bessere Lösungen finden.“

Diese Worte habe ich während meiner rund 40-jährigen kriminalpolizeilichen Tätigkeit bei der Polizei Rheinland-Pfalz vielen jungen Kolleginnen und Kollegen mit auf den Weg gegeben. Nicht, weil ich als gebürtiger Pirmasenser selbst rund 45 Jahre über Vereine und Menschen und deren ehrenamtliche Tätigkeiten in verschiedenen Medien berichtet habe. Nicht, weil ich selbst mit viel Herz im Ehrenamt arbeite und kommunalpolitisch, teils auch polarisierend aktiv war.

Nein! Weil ich der absoluten Überzeugung bin, dass wir gemeinsam im Ehrenamt und in der Kommunalpolitik, auch über Parteigrenzen hinweg, unseren kleinen Kosmos, in dem wir hier leben, mitgestalten können, dass wir schwachen Menschen im Sinne der Nächstenliebe helfen können und wir friedlich miteinander interagieren können.

Aus diesen Gründen schreibe ich für „Psst! -Pirmasenser Stories“, die mit ihren vielfältigen Berichten genau diese Ziele verfolgen.

Du willst mehr News aus Pirmasens? Abonniere jetzt kostenlos den Newsletter und erhalte die neusten Nachrichten aus der Stadt bequem ins Mail-Postfach. Einfach hier klicken: