E Andword uffem Bruno soi Ideee in de Kolumne zu de Waale

Jan Weimann
Mit Jan Weimann

Isch wäs näd, ob ihr gewisst honn, dass isch e bollidischindressierder Daggel hab.

Der häsd Schorsch un läsd jede moin mid mer die Zeidung.

Un jedsd ischer a mid mer iwwer die Kolumne zu de Waale im psst! Pirmasenser Storys gestolbert, wo e gewisser Bruno mend die ganz Verandwordung fer des starge Abschneide von de AEFDE im Stadvorschtand von Bärmesens in die Schu schiewe se misse.

Awwer der Schorsch mend zwä vom Stadvorschtand heddenjo bei denne Waale in Bärmesens kandidiert un vun de Wäler in Bärmesens e Bombe Ergebnis kried.

So schlimm wie de Bruno behaubt känds jo donn mid denneeere Fehler worschoinlich ned sin, won gleischzeidisch di Obbosizion e groser Dengzettel kried hat.

De Schorsch mänd, solang in Berlin so e kadaschrofali Bollidigg an de Leid vobei gemachd werd un gleichzeidisch di Verandwordung dodevor ,dass di AEFDE so schdarg werd immer uf annre abgeschob werd, werd sisch an denne Waalergebnisse läder nix ännre.

Isch glab moi Daggel versschded vun Bollidig mer, als monch onnre zusomme.