Iwwerm “Bruno” soi Vorschlach nogedenkt

Liewer Herr Tilly,

Sie schlaan jo vor, mol iwwerm “Bruno” soi Vorschlach nosedenke. Des hawwisch doch gladd gemach. Es wär schää, wonn Sie ihm mol moi Meinung weidergewwe deden. Also, liewer Bruno, du saasch jo, eier Parlament wär besser uFgeschdellt wie unsers. Unn eier Parlament setzt sisch aus genau vier Gruppe zusamme, die all gleich groß sinn unn wo halwe/ halwe Männer unn Fraue drinn sinn. Dodursch brauch mer immer drei vunn denne vier Gruppe fer e Mehrheit se grie.

Isch muss saa, des heerd sisch im erschde Moment richdisch gut aa. Du hasch rechschd, Kombromisse sinn fer e Demogradie wichdisch unn es gebd nix Besseres fer e Demogradie, aa, wanns net immer ääfach iss.

Wonn isch awwer genau driwwer noodenk, finn isch doch e klänner Denkfehler dodebei. Wonn immer dieselwe vier Gruppe ins Parlament kummen, unn jedi Grupp, egal was donn bassiert, imma gleich viel Sitze hat, fer was brauche mer donn noch Wahle? In demm Syschdem, des du beschreibschd, wärn Wahle sogaa unneedisch. Bei doim Vorschlach gebds immer nur e klänni Grupp von Leit, wo zu deere Pardei odder Grupp geheern. Unn die ziehn immer widder ins Parlament inn, egal, was die Leit ausm Volk driwwer denken, was die so mache. Do kennten jo die normale Leit gar nix mehr beinflusse. Isch glaab, des hääßt net Demogradie, sowas hammer doch in de DDR gehatt! Was sinn donn des fer Ideee, wo de Wähler gar nix mehr se saa hatt. Unn des geht moiner Meinung no mol gar net.

Vielleischd kenne mer jo mol irchendwonn dodriwwer redde. Isch ded aa unser Grundgesetz mitbringe unn dir was zum Mehrheits- odder dem Demogradieprinzip vunn unsrer Verfassung erkläre. Zum Glick gehn so komische Idee mit unserm Grundgesetz nämmlisch net!

Alla, servus unn bis bald